сре. Ное 4th, 2026

Главен и Одговорен Уредник

ГЛАВЕН И ОДГОВОРЕН УРЕДНИК НА БРЕГАЛНИЧКИ ПОРТАЛ Над 15 години искуство со создавање на содржина на интернет платформи: -blogspot, -facebook, -twitter, -youtube, -instagram, Експерт за ПР активизам, фотограф, блогер, видео продуцент, CMS web дизајнер, WHM & CPanel хостинг, Систем администратор, оператор со MySQL дата бази. Градежен инжинер, Менаџмент на проекти, граѓански активист, фармер, планинар, љубител на природата.

Развојот на земјоделството е одлика на СДСМ, соопшти на прес конференција директорот на АФПЗРР

By Главен и Одговорен Уредник 5 години ago

На прес конференција од партиското седиште на СДСМ Директорот на Агенцијата за финансиска поддршка и руралниот развој Никица Бачовски ги афирмираше политиките и активнистите кои што тие како владеачка партија ги превземале со цел за развој на земјоделството и руралниот развој.

“Развојот на земјоделството и неселективната поддршка за секој земјоделец е одлика на Социјалдемократскиот сојуз на Македонија.

Нашите политики и заложби се препознаени преку бројните активности, исплати, јавни повици и мерки кои имаат само една цел – финансиска поддршка и достоинствен живот за секој земјоделец, без разлика на политичките и верски определби.”

-рече на прес конференцијата Никица Бачовски по што ги образложи досегашните политики низ бројки со што според него покажуваат дека за СДСМ земјоделието е стратешка и приоритетна гранка.

“Во моментот актуелен е јавниот повик за популарната мерка млад земјоделец, преку која Владата предводена од СДСМ за 4 години додели над 500 договори за неповратен грант од 10.000 евра. Чесно, транспарентно и неселективно.

Течат роковите и за мерка 7 од ИПАРД програмата, каде на располагање се 13.5 милиони евра за поддршка на земјоделците, занаетчиите, претприемачите и туристичкиот сектор во руралните средини. Продолжуваме со успешната приказна со ИПАРД како лидери на Западен Балкан.

Во деновите пред нас продолжува исплатата на субвенциите. Досега се исплатени близу 4 милијарди денари, а со усвоениот ребаланс на располагање се ставени уште 3 милијарди денари за градинарите, сточарите, овоштарите и лозарите. Со заокружување на овие исплати во 2021 година се очекува да се исплатат 115 милиони евра на над 66.000 земјоделци.

Дополнително, во деновите пред нас ќе започне надополнувањето на картичките за зелена нафта. Инвестираме 3 милиони евра во поефтина нафта за над 50.000 земјоделци.

Од денес се објавени и јавните повици за доделување на државно земјоделско земјиште до 3 ха.

Ги отстапуваме државните земјени ресурси на македонските земјоделци. За зголемена економска активност во земјоделството, зголемени обработливи површини и производство на домашни култури.”

-рече директорот Никица Бачовски на партиската прес конференција.

“

.

Започна пријавувањето за финансиска помош за млади земјоделци

By Главен и Одговорен Уредник 5 години ago

Од Агенцијата за финансиска поддршка на земјоделието и руралниот развој ја информираат јавноста дека од денеска 29.07.2021 година е отворен повикот за аплицирање за финансиска помош по мерката 112 која што значи поддршка за млади земјоделци за започнување на земјоделска дејност.

“Младите кои имаат до 40 години а се занимаваат со земјоделство или имаат бизнис идеа во секторот земјоделство, од денеска до 29 август 2021 година, ќе можат да аплицираат за добивање на финансиска поддршка преку мерката 112 „ Помош на млади земјоделци за започнување на земјоделска дејност“, или во јавноста попозната како Млад земјоделец. Корисници на оваа подддршка може да бидат сите кои имаат до 40 годишнна возраст, регистрирани како индивидуални земјоделци согласно законот за вршење на земјоделска дејност и законот за пензиско и инвалидско осигурување.

Максималната прифатлива поддршка за инвестиција изнесува до 600.000,00 денари или до 10 илјади евра по корисник а барателите поддршката може да ja искористат за започнување на земјоделска дејност, односно за инвестиции во опрема за преработка на земјоделски и производи од животинско потекло, како и за отворање на соспствен агро – бизнис. Директорот на Агенцијата за финансиска поддршка во земјоделството и руралниот развој, Никица Бачовски инфирмира дека :
„Доделената финансиска поддршка е неповратен грант. Фокусот на оваа мерка е насочен кон лицата на кои земјоделството им е примарна дејност. Финансирањето од Програмата за финансиска поддршка на руралниот развој за 2021 година се врши врз основа на одобрено барање за користење средства од Програмата и склучен Договор за финансиска поддршка за одобрена инвестиција. Исплата на средства се врши согласно Програмата за финансиска поддршка на руралниот развој за 2021 година. Средствата се доделуваат за период на реализација на деловниот план и се исплаќа на годишно ниво во најмногу три рати. “- информира директорот Бачовски.

Сите заинтересирани барањата може да ги поднесат електронски по извршена регистрација на e-baranje.ipardpa.gov.mk”

-информираат од Агенцијата.

Вака старите римјани граделе патишта, кои опстојуваат и ден денес

By Главен и Одговорен Уредник 5 години ago

Процес на изградба на патишта во античко време од страна на старите римјани.Некои од овие патишта постојат и ден денес.Територијата на Брегалничкиот регион е крстосница каде се вкрстувале повеќе вакви патишта чии остатоци постојат и ден денес.

Пашарина од 0,3% од просечната нето плата по грло ситен добиток, живина и пчелно семејство со новиот предлог закон

By Главен и Одговорен Уредник 5 години ago

Со новиот предлог закон кој што е во процедура за донесување за сите земјоделци кои вршат колективно напасување се предвидува плаќање на 0,3% пашарина од просечната нео плата исплатена за минатата година во државата по грло ситен добиток, живина и пчелни семејства и 1% од просечната нето плата исплатена за минатата година по грло крупен добиток.

Со плаќањето на овој надоместок се опфатени сите земјоделски стопанства кои се запишани во Единствениот регистар на земјоделски стопанства (ЕРЗС) кои имаат пријавено капацитети за сточарско производство или производство на примарни земјоделски производи од анимално потекло.

Надоместокот за пашарина земјоделците треба да го уплатат најдоцна до 15-ти март во тековната година за претходната година на сметка на ЈП пасишта.

Најголеми несогласувања со плаќањето на ваквиот надоместокдоаѓаат од пчеларите кои не се согласуваат со ваквата владина политика да плаќаат пашарина за своите пчелни семејства, со аргумент дека државата треба на нив да им плаќа затоа што нивните пчели вршат опрашување на растителниот свет во околината каде што се наоѓаат.

Потпишан меморандум за соработка меѓу МЗШВ и ИМЕ

By Главен и Одговорен Уредник 5 години ago

Денеска во просториите на Министерството за земјоделство шумарство и водостопанство од страна на Министерот Аријанит Хоџа беше потпишан меморандум за разбирање и соработка меѓу Министерството и Програмата за зголемување на пазарната вработливост.

За овој настан преку социјалните мрежи исвести министерот за земјоделие, шумарство и водостопанство Аријанит Хоџа:

“Како потврда на нашите партнерски активности за развој на домашната економија, денеска заедно со Директорот на Програмата за зголемување на пазарната вработливост – ИМЕ, Горан Дамовски потпишавме меморандум за разбирање и соработка помеѓу МЗШВ и ИМЕ.

Целта на овој меморандум за разбирање и соработка е да се воспостави постојана соработка помеѓу Министерството за земјоделство и Програмата ИМЕ, за ефикасна и координирана соработка во имплементацијата на активностите и мерките во потсекторите градинарство, овоштарство, лозарство како и преработки од производи. Исто така, со меморандумот се дефинира и заедничка активност за изработка на новиот Закон за за органско производство во согласност со Регулативата на ЕУ за органско производство и обележување на органски производи. Заедичките активности ќе придонесат кон подобрување на конкурентноста на земјоделските стопанства, преку подобро искористување на мерките за поддршка, промоција и унапредување на продажбата, подобра регулација на органското производство и целосна хармонизација на националната регулатива со регулативата на Европската Унија.”

-соопшти Хоџа преку фејсбук.

Како се справувате со комарците? Еве еден “народен изум” за оваа цел

By Главен и Одговорен Уредник 5 години ago

Бидејки прскањето против комарци слабо го има, еве еден народен лек против комарци:

-Мамец за комарци 🦟

-Комарецот напаѓа на солта,мислејќи дека е шеќер…

-Жеден е и му се пие вода, ама у тапата има ракија…

-На комарецот 🦟 му се заматува од ракијата, се сопнува од дрвцето и удара у каменот со главата…

(текстот има за цел да насмее и нема врска со актуелните случувања)

Во тек е процесот за подготовка на Законот за пасишта

By Главен и Одговорен Уредник 5 години ago

Министерството за земјоделие, шумарство и водостопанство преку Единствениот национален електронски регистар на прописи ја информираше јавноста за започнувањето на процесот за подготовка на новиот Закон за пасишта.

Со предлог законот за пасишта чие донесување беше ставено на увид на јавноста во период од 11.06- 26.06.2021 година покрај дефинирањето на управувањето на работата на Јавното претпријатие за пасишта, дефинирањето на терминологијата неопходна за спроведување на овој закон, од клучно значење за земјоделците и сточарите се повеќе аспекти на самиот закон. Со законот се дефинираат рамките за напасување и класификацијата на пасиштата, каде се дефинираат правила за вршење на индивидуално и колективно напасување на добиток.

Индивидуалното напасување го спроведуваат економски оператори кои имаат договор за закуп на пасиште во државна сопственост.

Земјоделските стопанства кои што се дел од Единствениот регистар на земјоделски стопанства кои што имаат пријавено во МЗШВ сточарско производство, кои спроведуваат колективно напасување плаќаат колективна пашарина во висина од 0,3% од просечна нето плата исплатена за минатата година во Република Северна Македонија по грло ситен добиток, живина и пчелни семејства и 1% од просечна нето плата исплатена за минатата година во Република Северна Македонија по грло крупен добиток

Од особено значење во овој предлог закон е законската рамка за доделување на пасиштата во државна сопственост каде се предвидува државно пасиште да биде дадено под закуп

  • за напасување на ситни и крупни преживни животни до 10 години,
  • за напасување на коњи и други копитарии до 10 години
  • спортско-рекреативни активности и рурален туризам до 30 години,
  • преработка на  примарни сточарски производи, продажен простор за прозиводите добиени од земјоделската дејност, за сместување, исхрана, едукација, рекреација и продажба на производи за потребите на домаќинставта на лицата  ангажирани во производството на примарни и преработени сточарски производи, собирни центри за млеко, печурки и лековити растенија до 30 години.

Исто така од интерес на земјоделците е да се спомене дека со предлог законот за пасишта се предвидува дека

“На Пасиштата во државна сопственост што е предмет на закуп можат да се градат само објекти кои ќе бидат во функција на намената за која е дадено пасиштето и за кои ќе се издаде одобрение за изградба согласно со овој закон.”

Очекувањата се дека со донесувањето на новиот Закон за пасишта треба да обезбеди Регулирање на постапката за инвентаризација и бонификација на пасиштата како и целосно да се прецизира постапката за доделување на пасиштата во државна сопственост.

Временската рамка за подготвувањето на предлог законот за пасишта е од 12.06.2021- 05.07.2021 година а јавната расправа ќе се одржи на 02.07.2021, за што навремено ќе биде објавена покана до засегнатите страни за учество во јавна расправа.

Сите заинтересирани страни можат да се вклучат во постапката за донесување на законот во вид на барања за писмени мислења, забелешки и сугестии, преку учество во работни групи формирани од страна на министерството или Владата како и состаноци со засегнатите страни.

Министерот за земјоделие на онлајн состанок со директорот на Светска банка во Македонија- МЗШВ има обврска да го спроведе проектот за модернизација на земјоделството

By Главен и Одговорен Уредник 5 години ago

Министерот за земјоделие, шумарство и водостопанство Аријанит Хоџа денеска зеде учество на онлајн состанок во врска со имплементацијата на проектите кои владата ги реализира со поддршка на Светска банка во Македонија.

На состанокот покрај Хоџа свое учество зедоа и заменик претседателот на владата за економски прашања Фатмир Битиќи и повеќе други министри а од страната на Светска банка бепе присутен директорот на оваа финансиска институција за Македонија Максимилијано Паолучи.

На состанокот била нагласена обврската за имплементација на проектот за модернизација на земјоделието со вкупна вредност од 46 милиони евра.

Во продолжение го пренесуваме соопштението на министерот Хоџа во врска со овој состанок:

“Со цел да се забрза и подобри подготовката и имплементацијата на проектите, поддржани од Светска Банка, денеска одржавмве онлајн состанок со директорот на Светска Банка за Македонија, Масимилијано Паолучи, на кој присуствуваа Заменикот на претседателот на Владата задолжен за економски прашања, Фатмир Битиќи и министрите во Владата на Република Северна Македонија. На состанокот разговаравме за важноста и значењето на проектите кои се во подготовка и тековните проекти кои ги имплементираат институциите. МЗШВ има обврска да го имплементира Проектот за модернизација на земјоделството, кој е со вкупна вредност од 46 милиони евра и содржи огромна развојна компонента за земјоделството, со сериозен позитивен импакт врз вкупната домашна економија.Проектот е наменет за изградба на два Oткупно-дистрибутивни центри во Ресен и Струмица, кои ќе ги опфатат преспанскиот и струмичкиот регион и сеопфатна Земјоделска платформа во Скопје, која ги опфаќа полошкиот и кумановскиот регион.”

Кичевските сточари се заканија со протести доколку не се исплатат субвенциите до крајот на јуни

By Главен и Одговорен Уредник 5 години ago

Лагите на актуелните власти во Министерството за земјоделие веќе ги надминаа сите можни граница на толеранција. Исплатата на субвенциите од основните мерки за поддршка на сточарите во МАкедонија сериозно доци иако веќе повеќе од два месеци назад власти ветуваа дека ќе почнат со исплата на парите неопходни на сточарите за преживување на актуелната криза која се заканува со намалување на сточниот фонд во државата.

Состојбата е неподнослива во сите региони во земјата, но сточарите од Кичевско решија први да го кренат гласот против актуелните сотојби кои негативно се одразуваат на нивната егзистенција. Се уште ништо од ветените 2400 денари за оставено женско јагне/јаре ниту пак оние 1000 денари за овца/коза иако сточарите преку своите претставници во граѓанските здрженија од овој сектор добиваа уверувања дека субвенциите требаше до сега да бидат исплатени.

Кризата во сточарството е дотолку поголема што во последните неколку месеци драстично се зголеми цената на репроматеријалите, сточното брашно, житариците, нафтата, сточната храна а цената на месото и млекото останува иста и пазарните можности стануваат се поограничени.

Претседателот на Здружението на сточари во Кичевскиот регоион Ајредин Бајрами најави дека доколку до крај на јуни не се исплатат субвенциите за крупен и ситен добиток ќе започнат со масовни штрајкови со блокада на патиштета како и пред влада за да уште еднаш ги актуелизираат своите егзистенцијални проблеми со кои се соочуваат.

Фотографија со пчелина кошница која ги бранува социјалните мрежи за својата автентичност

By Главен и Одговорен Уредник 5 години ago

На социјалните мрежи веќе подолго време се врти фотографија која прикажува преубава форма на внатрешност на пчелина кошница за која се вели дека ја создале пчелите врз основа на нивниот животински инстинкт.

Медоносните ќелии на внатрешноста на пчелниот сандак, наводно ги изградиле самите пчели во форма на срце, откако сопственикот на овој пчелин сандак кој ја направил самата фотографија наводно заборавил да постави пчелни рамки со восок на кој што пчелите треба да ги формираат во правец своите медоносни ќелии.

За оваа фотографија постои широка дискусија на социјалните мрежи од кои некои датираат дури од 2013 година за тоа дека ваквата форма била вештачки направена од човек, но и такви кои што веруваат во нејзината природна форма на формирање од страна на пчелите.

Дури за самата фотографија кој стана вирална појава на твитер и фејсбук и т.н. независни проверувачи на факти не можат да се согласат за нејзината автентичност.

Во секој случај фотографијата делува инспиративно и вреди да ја разбуди имагинацијата за убавините кои ги дарува природата.