Кои се приоритетите кои што треба да ги преземе Борче Серафимовски- новиот министер за земјоделие, шумарство и водостопанство?
Што треба да преземе во првиот месец новиот министер за земјоделие, шумарство и водостопанство? Кои треба да бидат неговите приоритети? Каде треба да се обрне целосен фокус во реформите? Дали земјоделието ќе продолжи да биде социјална категорија или сериозен стопански потенцијал за развој на државата?
Ова се прашања за кои што земјоделците очекуваат одговори, за да може подобро да си го планираат производството и дејноста.
Со најавената реконструкција на Владата која што објави Премиерот Христијан Мицкоски пред некоку денови, најголем број од очите и вниманието на земјоделците но и пошироката јавност се вперени кон Борче Серафимовски- кој што беше кажано дека ќе биде новиот Министер за земјоделие, шумарство и водостопанство.
Овој сектор е еден од најзначајните за севкупните прилики во државата, почнувајки од стандардот на граѓаните изразен преку потрошувачката кошничка на прехрамбени производи, преку можности за економски развојм заштита и спасување, подобар амбиентален воздух и состојба со животна средина, па се до извозната политика преку која во државата се влеваат поголеми износи на капитал што претставува значаен удел од БДП на државата.
Кој е всушност Борче Серафимовски?
На веб страната на МЗШВ стои дека Серафимовски е роден на 17.05.1982 година а како работно искуство стои дека во периодот од 2004 до 2025 има работено на Меѓународен Славјански Универзитет Свети Николе а го познава англискиот, рускиот и бугарскиот јазик каде има учено на повеќе универизтети.
Образование
- Универизтет “Св.Кирил и Методиј” Скопје
- Филозофски факултет
- Институт за одбранбени и мировни студии
- Додипломски студии
- Дипломиран дефендолог
- Варненски Слободен Универзитет “Црноризец Храбар” Варна, Бугарија
Додипломски студии
Дипломиран бизнис менаџер
- Југозападен Универзитет “Неофит Рилски” Благоевград, Бугарија
Правно историски факултет
Магистерски студии
Магистер по меѓународни односи
- Великотрновски Универзитет “Св.Св.Кирил и Методиј” Велико Трново, Бугарија
Стопански факултет
Докторски студии
Докторант по организациони науки
Според овие информации за стручната подготовка на новиот Министер за земјоделие, шумарство и водостопанство станува збор за сериозен образовен профил на експерт кој треба да го реформира овој сектор сериозно за да истиот застане на постабилно нозе.
Неговото професионално искуство во Министерството за Земјоделие, шумарство и водостопанство како државен секретар наговестува дека станува збор за човек кој добро го познава системот на работењето на министерството за чие што целосно функционирање, успеси и неуспеси ќе биде лично тој одговорен во наредниот период.
За авторот на овој текст
