Практики

Шарпланинците го имаат тој балкански карактер на блискост, емотивен темперамент и лојалност кон сопствениците

Автохтоната раса на куче Шарпланинец во последно време доживува своја постепена експанзија во Македонија. Покрај нивната основна намена за чување на стадата добиток во планинските предели каде што се врши испаша на отворен тере, се повеќе семејства за себе се снабдуваат со овој вид на кучиња кои што се одликуваат со високи картактерни особини.

Уште од млад се формира изразот на лицето на сортниот шарпланинец. Со тоа тој добива #КарактерниЦрти на распознавање настрана од неговите физички белези за препознавање (боја на крзно). Препознавањето на изразот на лицето е возможно кога добро ќе го запознаете самиот #шарпланинец, неговите #навики, неговите #потреби, #радости и #тага.

На тој начин човек се #поврзува со неговиот шарпланинец која врска не наликува на ниту едно друго #емотивно поврзување. Кај вистинските љубители на шарпланинецот, поврзувањето оди до тој степен што човекот ги разбира сите состојби на душата на неговиот шарпланинец и обратно, шарпланинецот ја разбира состојбата на неговиот човечки пријател.

Таа #приказна на поврзаност има #НеограниченРок на траење и огромен интензитет. Човекот може да биде напакостен од друг човек, но од неговиот шарпланинец- никогаш.Таа приказна му дава особено значење на едно вака дефинирано пријателство кое се памети вечно.#Верноста како идеал може да се учи од овие благородни животни со нивниот силно изразен интелект и емоции.

Во државата работат повеќе приватни одгледувачници на сортни шарпланинци кои што нудат шарпланинци како во Македонија така и насекаде низ регионот и светот.

Важна политичка порака ни доаѓа денеска од прeтседателот на Ирска

На 11 ноември 2011 година Мајкл Д. Хигинс за првпат беше инаугуриран за првпат за претседател на Ирска.

Тој е страствен политички глас кој што во политиката влегува со емоции и високо ниво на карактерност. Мајкл Д. Хигинс е поети и поисател, академик и државник, борец за човекови права, промотор на инклузивно граѓанско општество и шампион на креативноста во ирското општество. Мајкл Д. Хигинс е роден на 18 април во 1941 година во градот Лимерик во Клер округот. Бил обичен работник во фабрика и помошник пред да стане првото дете од неговата фамилија кое започнало високо образование. Студирал на три универзитети а потоа ги поминал сите ниво на јавни функции во Ирска за на на 11 Ноември 2018 година биде инаугуриран за неговиот втор претседателски мандат.

Оваа негова кратка навидум обична биографија и нема да биде толку поразлична од останатите политички биографии доколку Мајклд Д. Хигинс не се појавува речиси на сите негови јавни настапи заедно со едно или со двете негови верни кучиња.

Покрената петиција за Укинување на субвенциите за мали хидроцентрали

На социјалните мрежи се споделува електронска онлајн петиција со која се бара укинување на субвенциите на државата за малите хидроцентрали кои се изградени или се градат на речни водотеци ширум државата.

Според информациите објавени во текстот на петицијата се нагласува штетниот ефект на малите хидроцентрали врз животната средина онаму каде се градат до степен кој го загрозува опстанокот на водните екосистеми и заштитените ендемски видови, како и луѓето.

“Во моментов, на дивите и недопрени реки низ земјава се изградени, или се во фаза на изградба, повеќе од 130 мали хидроцентрали, a се планира изградба на уште најмалку 50 нови! Поголем дел од нив се градат во некои од најживописните речни долини во строго заштитени и значајни подрачја како што се: Пелистер, Маврово, Шар Планина, Караџица, Даутица, Кожуф, Малешевијата и многу други.

Изградбата на малите хидроцентрали остава непоправливи последици по животната средина и природата, до степен кој го загрозува опстанокот на водните екосистеми и на заштитените и ендемски видови, како и луѓето.

Малите хидроцентрали се градат зад очите на јавноста, без јавни консултации и без соодветни студии за оцена на влијанието врз животната средина.

Сите постоечки мали хидроцентрали заедно произведуваат само 4% од вкупното годишно производство на електрична енергија во земјата,  во период од годината кога не е најпотребно за домаќинствата. Истото количество електрична енергија може да се заштеди со подобра енергетска ефикасност, без притоа да се уништуваат реките и недопрената природа.

Електричната енергија произведена од малите хидроцентрали се откупува по загарантирани повластени тарифи кои на сопствениците им гарантираат сигурен профит.

Секое семејство во земјава, секој месец плаќа 6% од висината на месечната сметка за струја, за субвенционирање на производството на електрична енергија од обновливи извори. На годишно ниво, за електричната енергија произведена од мали хидроцентрали ние граѓаните, плаќаме 16 милиони евра.

Сакаме овој буџет да се употреби за стимулирање на производство на електрична енергија од одржливи извори како сонцето и ветрот, а не од извори кои ги уништуваат нашите реки!

Да кажеме НЕ на малите хидроцентрали и уништувањето на реките!

Барам моите 6% од сметката за струја кои ги вложувам за производство на електрична енергија од обновливи извори да се употребат исклучиво за стимулирање на одржливи извори на енергија како сонцето и ветрот. Барам на сметката за струја јасно да биде наведено на што се трошат тие 6%. Барам Владата да ги укине субвенциите за малите хидроцентрали.”

-стои во текстот на петицијата покрената од Центарот за истражување и информирање за животната средина Еко-свест Скопје.

ДАЛИ СТЕ СЛУШНАЛЕ ЗА ВОЗДУШНА ТЕРАПИЈА СО ВОЗДУХ ОД КОШНИЦА НА ПЧЕЛИ?

Во светот е присутна една помалку за наши простори чудна и неконвенционална пракса за искористување на кошници со пчели. Станува збор за терапија за респираторни потешкотии и заболувања која што лекари во напредни западни здравствени системи ја препорачуваат на своите пациенти. Терапијата вклучува третман на пациентите со респираторни проблеми со воздух земен директно од кошницата на пчели.

Да! Добро читате. Дишењето на воздух од страна на пациенти земен директно од кошница со пчели е еден од најпривлечните третмани за ваков вид на пациенти поради фактот што воздухот во кошница со пчели е почист од тој кој што се наоѓа во надворешната околина. Степенот на стерилизација на воздухот од бактерии, вируси и други несакани нечистотии е подобар од вештачки стерилизираниот воздух кој во технички услови се произведува.

Многу научни експерименти и технологии направиле напор да го реплицираат степенот на стерилизација на воздухот но до ден денешен ваквата пракса не успева во науката.

Ваквите медицински третмани се особено корисни во решавање на потешкотии со дишењето, белодробни и респираторни алергии како и асма.

Се чини дека сепак она што природата со својот комплексен механизам за создавање го создала, ниту еден човечки ум не може да го повтори.

Приказни од фармата: Шарпланинчето Буцко

Шарпланинчето Буцко има само шест месеци а веќе е голема среќа во неговото семејство. Неодамна г-ѓа Вера ни сподели дека кога таа работи во бавчата, и Буцко сакал да помага со своето палаво носе, така што си копал низ бавчата барајки ладовинка каде да легне. После неколку строги опомени откако го ископал цел двор Буцко за секоја своја палавштина што планира да ја прави бара одобрување од членовите на неговото семејство кои не можат да му одолеат на неговиот мил поглед.

А прашувате што се случува кога дечките го заиграат….?

Е тоа е навистина посебна приказна!

#Среќа #Шарпланинец #Гордост #Насмевки

Превземно од: Агрофарма “Градска оаза”

Лозарите својата мака ја истурија пред портите на винаријата Тиквеш, во знак на протест против ниските откупни цени

Вчера попладне и доцна во ноќта, драматични сцени се случуваа пред влезната капија пред винаријата Тиквеш во Кавадарци.

Неколку стотина лозари со своите трактори товарени со грозје од овогодинешната реколта протестираа пред винарскиот гигант кој што требаша да врши откуп на грозјето.

Она со што не се сложуваат лозарите што беше и причина за нивниот револт е што винаријата драстично ги намали откупните цени за грозјето, што беа претходно договорени на состаноците со ресорниот министер.

Манипулирајки со шеќерните единици на грозјето при примопредавањето на родот на винаријата од менаџментот соопштија дека договорената цена од 11 денари за Смедеревка и 12-13 денари за грозје од видот Вранец-Кртошија ќе ја исплаќаат само за грозје кое што има 20 малигани.

Претходно лозарите добиле покана за да го берат својот род од нивите без да се прецизира условот за шеќерноста на грозјето, и откако лозарите го обрале плодот од нивите и се паркирале пред винаријата да го предаваат на пунктовите, дополнително им бил соопштен овој услов дека под 20 малигани шеќерност нема да се откупува грозјето. За потоа да им бидат понудени помали откупни цени за грозјето со 19 малигани и помалку од само 8 денари за килограм- момент кој што ја прелеал чашата на нивниот револт.

Во тие моменти лозарите почнале да го истураат својот род пред капијата на винаријата Тиквеш а одредена група на присутните луѓе ја срушиле дури и оградата на самата винарија

Градоначалникот на општина Кавадарци Митко Јанчев, кој вчера беше со лозарите кои протестираат, ги покани сите советници од регионот како и градоначалници, пратеници и министерот за земјоделство, Аријанит Хоџа или ако тој е недостапен, претставник од министерството, да дојдат денес во неговиот кабинет на средба во 11 часот.

“Жални се сликите кои ги гледам, урнатата ограда, и полицијата којашто стои пред лозарите. Апелирам сите надлежни да се појават на средбата бидејќи бербата е во тек и да не им се прави штета на земјоделците кои чесно си го заработуваат своето парче леб,”

-порача вчера Јанчев.

Претходно во текот на месец август Здружението „Напредни лозари” соопшти дека ги замрзнува своите активности. Последна препорака, од страна на членовите на ова здружение која што беше упатена до производителите, е дека годинава, посебно поради сушата, ниту еден грозд смедеревка не смее да биде откупен под 20 денари, вранец под 25 денари, а асталско и високосортно грозје под 30 денари.

Транспорт на мали слатки јагниња од планините во Ломбардија

Во регионот Ломбардија, во Италија карактеристична е една многу убава и интересна традиција. Имено станува збор за транспорт на млади слатки јагниња од висините на планините кои што се наоѓаат околу Ломбардија со помош на магариња и мулиња.

Секоја пролет кога стадата со овци се наоѓаат на пасиштата околу Ломбардија во повисоките планински делови, овците соодветно на нивниот животен циклус се јагнат при што има масовен прилив на јагниња. Но поради потребата стадата со овци да се преместуваат кон пониските делови од Ломбардија а возраста на јагнињата не им дозволува тие активно да се движат со возрасните овци, па затоа сточарите смислиле еден навистина симпатичен начин за транспорт на јагнињата.

При тоа се користат магариња кои што во специјално изработени џебови на прекривки на своите плеќи ги носат младите и слатки јагниња кон нивната потребна дестинација.

Покрај магариња и поради природата на стрмните терени низ кои што минуваат стадата со овци се користат и мулиња- т.н. дадилки за јагниња. За време на патувањата на стадата, на поедини локации се запира, јагнињата да се надојат и повторно се ставаат во џебовите на прекривките на магарињата и мулињата.

Ломбардија е претежно сточарски регион која што со своите 23865 m2 е најголема италјанска провинција. На север се граничи со Швајцарија каде што претежно се застапени високите алпски планини со неколку населени долини кои што се доминантно сточарски места.

За модернизација на системот за превенција и спречување на пожари: Вака се спречува ширење на полски пожар

Пожарите во нашата држава секоја година предизвикуваат сериозна материјална штета. Најмногу во пожарите страдаат шумите, пасиштата и земјоделските површини со што трпи земјоделскиот сектор сериозни загуби. Штетите се дотолку поголеми што страда животната средина со целиот растителен у животински свет како и условите за живот за граѓаните. Со пожарите драстично и неповратно се влошува квалитетот на амбиенталниот воздух што допринесува од година во година за влошување на микроклиматските карактеристики на територијата на цела држава.

За санирање на последиците од големите пожари потребни се огромни финансиски сретства и ресурси што за држава како Македонија чиј што стандард се граничи со сиромаштија во секој сегмент е речиси невозможна мисија.

Системот за превенција на пожарите е исто така непрактичен и неефикасен што се должи на недостиг ан политичка волја на политичките елити во изминатите 30 години од осамостојувањето на Македонија. Се чини дека финансиските сретства не се проблем колку што е проблем политичката визија за изградба на еден ефикасен систем за справување со кризи, поспецифично превенција и справување со пожари. Погрешната приоретизација и алокација на финансиските сретства од јавните буџети на државата и општините доведува до вакви катастрофални последици какви што јавноста можеш да ги види ова лето но и изминатите неколку години.

Се поочигледно е дека ефектите на климатските промени се влошуваат по однос на животната средина и дека е потребен многу посериозен пристап за справување со последиците од истите.

Во таа насока е потребна итна мобилизација како на државните ресурси така и на приватните во еден оптимален систем за превенција и справување со пожари.

Во продолжение во видеото може да погледнеме како делува еден синхронизиран систем за превенција на полски пожар кој што доколку недостасува ваквиот првичен систем за одговор на ваков пожар може да се претвори во пожар со несогледливи последици.

Но брзата и навремена реакција на земјоделската (приватна) механизација со противпожарната (јавна) служба обезбеди брсо санирање на пожарот со минимална штета.

Нова пракса за климатски-паметно земјоделство

Климатски-паметно земјоделство е пристап кој што помага при спроведување на активности кои што се потребно за трансформација и преориентација на земјоделските системи за ефикасна поддршка на развојот и да обезбедат безбедност на храната во ера на климатски промени. Климатски- паметното земјоделство се стреми за постигање на три главни цели:

-одржливо зголемување на земјоделските приходи и продуктивност

-адаптирање и изградба на отпорност кон климатските промени

намалување или/и целосно отстранување на емисиите на стакленички гасови, каде што тоа е возможно.

Пристапот на климатски-паметно земјоделство е наменет за развој на земјоделски стратегии за обезбедување на одржливост на безбедност на храната под удар на климатските промени. Оттука климатски паметното земјоделство обезбедува ресурси да им помогне на инволвираните страни од локално преку национално и интернационално ниво да идентификуваат земјоделски стратегии адаптабилни на нивните локални услови.Климатско паметното земјоделство е една од 11 корпоративни области за мобилизација на ресурси под ингеренции на Стратешките цели на FAO (Food and Agriculture Organization of the United Nation). Овој концепт е во линија со визијата на FAO за одржлива храна и земјоделство и ја поддржува целта на FAO да го направи земјоделието, шумарството и водостопанство по продуктивно и одржливо.

Вака старите римјани граделе патишта, кои опстојуваат и ден денес

Процес на изградба на патишта во античко време од страна на старите римјани.Некои од овие патишта постојат и ден денес.Територијата на Брегалничкиот регион е крстосница каде се вкрстувале повеќе вакви патишта чии остатоци постојат и ден денес.