саб. Мај 24th, 2025

Институции

Владата и Министерството почнувајки од 2025 г ќе инвестираат 20 милиони евра годишно во водоснабдителни системи во цела држава

By Главен и Одговорен Уредник 9 месеци ago

Во рамки на својата неодамнешна посета на Пијанечко-Малешевскиот регион Министерот за земјоделие, шумарство и водостопанство Цветан Трибуновски во одговор на новинарско прашање на Брегалнички Портал зборуваше за состојбите во сферата на водоснабдувањето за потребите на земјоделието во овој регион.

Тој ја истакна потребата за враќање во функција и модернизирање на системите за водоснабдување на територијата на цела држава како и на истокот од Македонија како предуслов за рентабилно земјоделско производство по квалитет и квантитет на земјоделските производи.

“Приоритет на владата, na министерството и na институциите кои што се задолжени за снабдување на земјоделските површини со вода, тоа е АД Водостопанство и Управата за водостопанство, свесни дека водата е важен елемент во земјоделското производство а досега не се инвестираше речиси ништо во овој дел, ние практично имаме во целата држава еден колабиран систем кој што значи ненавременa или недоволна количина на вода за земјоделските површини. Во 2025 година ќе започне спроведување на 10 годишната програма а тоа значи 20 милиони евра на годишно ниво за инвестиции и враќање на системите за наводнување во една функционална состојба свесни дека водата е еден важен сегмент во земјоделското производство. Ние не можеме да се надеваме на рентабилно производство ниту по квантитет ниту по квалитет ако немаме количина на вода. Не само во делот на истокот од Република Македонија туку речиси на цела територија ќе се работи засилено на враќање на системите во функционална состојба, свесни дека е клучен елемент во земјоделското производство.

-рече пред камерата на Брегалнички Портал Министерот за земјоделие, шумарство и водостопанство Цветан Трипуновски.

Во 2025 година ќе започне процес на зголемена проддршка за сточарството за враќање на сточниот фонд во државата

By Главен и Одговорен Уредник 9 месеци ago

Министерот за земјоделие, шумарство и водостопанство на новинарско прашање на Брегалнички Портал во врска со состојбите во сточарството, најави силна поддршка за наредната буџетска 2025 година за одгледувачите на добиток преку специјално дизајнирани програми и мерки на министерството и владата за подобрување на крајно влошената состојба со добиточниот фонд.

Според официјалните статистички податоци на Државниот завод за статистика трендот на намалување на добиточниот фонд во изминатите години е повеќе од алармантен.

Така во 2018 година бројот на говеда бил 256 181 а тој број во 2021 година драстично е намален на 177 622 грла говеда. Слични поразителни бројки е и со бројот на овци кои од 726 990 грла во 2018 година спаднале на 633 281 грло овци. Малку помал пад има на бројот на свињи во овој период, но сепак забележлив е нагативниот тренд.

Во однос на производството на месо бројките се исто така поразителни со забележливиот негативен тренд на производство на храна.

Ефектот на лошите политики на земјоделските власти во претходниот состав на владата на СДСМ и ДУИ е видлив преку намалувањето на количините на месо од 2018 до 2023 година и тоа во огромни количини намалување за што е даден приказ на сл. графика според официјалните податоци на Државниот завод за статистика:

За ваквата поразителна состојба во однос на добиточниот фонд од нашиот новинар кој го следеше денешниот настан на министерот Цветан Трипуновски со призводителите на слива од Делчево, Берово и Пехчево доби прашање за намерите и планираниот развој на министерството и владата во оваа гранка од земјоделието:

Министерот Трипуновски во својот одговор за јавноста ја констатираше лошата состојба за сточарството но најави силна поддршка почнувајки од 2025 година за одгледувачите на говеда, овци, кози и живина се со цел државата да обезбеди квалитетна и евтина храна за своите граѓани а притоа трудот на сточарите да биде ценет и вистински вреднуван.

-“Бројките се лоши, навистина е катастрофална ситуацијата. Тоа е резултат на оние погрешни и задоцнети мерки кои што ги правеше изминатата власт. За жал нашите полици се со увозно млеко, нашето производство на месо, со живина, свинско, итн. е веќе преполовено. Ние ќе дадеме веќе од идната програма од 2025 година зголемена поддршка се со цел да го враќаме сточниот фонд, бидејки мораме да обезбедиме домашна храна за нашите сограѓани и нормално како извоз на земјоделски производи. Ќе биде редефинирана програмата за субвенции се со цел да стимулираме зголемено производство и нормално оние субвенции кои што ќе ги даваме ќе ги исплаќаме на време се со цел да бидат дополнителна додадена вредност во сточарското производство.

-Со доаѓањето на власт ние веќе исплаќаме субвенции кои што се од претходни години, дали е тоа за предадено јагне во кланичен капацитет, дали е за литар предадено млеко кое што досега требаше да го имаат земено сточарите. Ние како влада веќе на самиот почеток даваме сериозен приоритет во делот на исплата и на субвенции и ќе градиме мерки кои што ќе бидат долгорочни,”

-рече во одговор на новинарско прашање на нашиот портал Министерот за земјоделеи, шумарство и водостопанство Цветан Трипуновски во рамки на неговата изјава за медиумите од денешниот собир со производителите на слива од Пијанец-Малеш.

Решени проблемите со годинешната реколта и најава за трајно решавање на проблемот со откупот на сина слива во Пијанец- Малеш

By Главен и Одговорен Уредник 9 месеци ago

Министерот за земјоделие, шумарство и водостопанство Цветан Трипуновски денеска беше на средба со производителите на сина слива од општините Делчево, Пехчево и Берово.

Пред почетокот на бербата земјоделците во оваа гранка се соочија со акутниот проблем при пласманот на пијанечко-малешевското модро злато. Впрочем тој и воопшто и не постоеше како најава за оваа година така што се закануваше целосен финансиски дебакл на производителите. Голем број од сопствениците на овоштарници со сина слива гиимаа напуштено своите насади во изминатите години а исто така поголема бројка на сливари беа со најава дека оваа година ќе биде последна како произведуваат слива.

Но после денешниот состанок во Делчево и најавените политики на ресорниот министер Трипуновски, видно се врати ентузијазмот и надежта кај сливарите.

Пред земјоделците од крајниот исток на државата Министерот Трипуновски соопшти дека веќе преговараат како министерство со повеќе откупувачи и имаат обезбедено странски партнер од соседна Србија кој што ќе откупи поголема количина од годинешната реколта која се проценува на околу 2500 тони. Така што родот за првпат организирано и со директна помош од страна на Министерството ќе се пласира во странство а сливарите ќе имаат цена што ќе ја наплатат за својот производ.

Министерот Трипуновски дополнително најави 5 денари по килограм продадена сина слива на откупувачки капацитет од интервентниот фонд на државата., што како предлог ќе биде усвоено на некоја од наредните седници на Владата на Република Македонија, за покривање на трошоците за производството на самата слива.

Оваа мерка беше силно поздравена од страна на присутните голем број на производители на слива, која што заедно со останатите субвенции кои ги добиваат сливарите за своите насади ќе значат солидна цена на нивниот труд.

Министерот Цветан Трипуновски најави дека со завршување на бербата на сливата и откупот од месец окттомври во министерството сериозно ќе се зафата кон креирање на нови и унапредување на постојните мерки за поддршка за развој на мали и семејни преработувачки капацитети и дестилерии за преработка на сината слива со што овој основен производ ќе допбие додадена вредност преку нови брендирани конечни производи за зголемен стандард на сливарите.

-“Во името на владата како министерство им ветив на земјоделците дека нема да ги оставиме сами, нема да бидат препуштени сами на себе, туку напротив, како влада ќе интервенираме со дополнителна мерка за да ја компензираме загубата која што би ја претрпеле. Ако откупната цена за оваа година на сливата се движи за 9 до 10 денари ние како министерстов, како влада сме подготвени да ја доплатиме разликата до 14 односно 15 денари се со цел земјоделците да бидат задоволни. И оваа мерка која што веќе на некоја од наредните седници на влада ќе ја поминеме како официјална мерка ќе биде исплатена од интервентниот фонд веднаш по завршувањето на бербата. Тоа значи дека земјоделците ќе ги добијат парите во рок од околу 30 тина денови по завршување на бербата, се со цел да го компензираат трошокот и да биде стимул веќе за наредната година.

Она што веќе го дефиниравме како заклучок од состанокот е дека како министерство сериозно ќе работиме веќе за наредната година за да овој дел од Република Македонија биде сериозно поддржан во делот на одгледување на оваа култура, затоа што овде најмногу успева. Тоа значи дека министерството ќе носи конкретни програми и мерки кои што значат долгорочно решавање на проблемот со пласманот на сливата, а од друга страна ќе значи и зголемен извоз в делот на преработки а не само примарен земјоделски производ кој што нормално ќе има ефект и врз нашата економија. Ќе се динанира изградба на дестилерии, преработувачки капацитети, се со цел долгорочно да се реши овој проблем а не да биде вака стихијно од година во година за да се преброди годината. “

-рече меѓу другото Министерот Цветан Трипуновски во изјава за Брегалнички Портал.

Целата изјава по денешниот настан во Делчево на Министерот за земјоделие, шумарство и водостопанство Цветан Трипуновски може да ја погледнете во продолжение:

Доделени договорите за закуп на земјоделско земјиште во државна сопственост

By Главен и Одговорен Уредник 9 месеци ago

Денес Министерот за земјоделие, шумарство и водостопанство Цветан Трипуновски заедно со Директорот на АФПЗРР г-дин Илија Стоилев заедно со градоначалникот на општина Свети Николе Дејан Владев присуствуваа  на настан кој се одржа во Општина Свети Николе за доделување на договори за закуп на земјоделско земјиште во државна сопственост.

“Склучени се 967 договори со површина од 2700 ха

Со овој настан се означија успешно завршени 4 (четири) Јавни повици за давање во закуп на земјоделско земјиште во државна сопственост за површини дo 3 хектари.

Со овој процес кој што го заокружуваме сега, даваме силен фокус и силен приоритет да земјоделското земјиште биде ставено во функција на земјоделците. Знаеме дека во минатото имаше селективност во распределбата, но тоа ќе биде веќе минато. Ние како одговорно министерство, како влада ќе работиме затоа што земјоделците се наш приоритет.

Жалам што во минатото имало одредени злоупотреби кои што ние како Министерство ги констатиравме во изминатиот период. Меѓутоа нашата интенција е да сето земјоделско земјиште кај вистинските земјоделци заврши и да истото се стави во функција, да биде во процес на обработка односно на производство.”

-напиша во врска со денешниот настан Министерот Трипуновски на социјалните мрежи.

Николовски наместо корисни политики за земјоделците предизборно сее насмевки и гола демагогија додека земјоделието тоне

By Главен и Одговорен Уредник 1 година ago

На социјалните мрежи јавноста може да го забележи насмеаното лице на Министерот за земјоделие, шумарство и водостопанство Љупчо Николовски како се фотографира со луѓе кои што имаат добиено некаква помош од државата.

Но состојбата со Македонскиот аграр е далеку од смешна, баш напротив таа е трагична…

Дополнително кон револтот на “отепаните” земјоделци придонесуваат вештачките насмевки на селфи фотографиите кои ги споделува министерот Љупче, кој предизборно му текна да влегува по штали, да се пика во селски дворови со цел да прибере некој политички поен.

За ваквата состојба реагираат и голем број граѓани на социјалните мрежи:

“Со сила се смее човеков на цел народ во очи, продавајки некаква успешна приказна додека цел исток од државата се иссели поради неговите катастрофални политики….”

-стои во објава на социјалната мрежа X со приказ на објави од социјалните мрежи на Министерот Николовски како се обидува да ги излаже граѓаните за неговите теренски посети на Виница и Берово со едни исти фотографии.

Николовски: Ја следиме состојбата со производството на пченица

By Главен и Одговорен Уредник 3 години ago

Министрот за земјоделие, шумарство и водостопанство Љупчо Николовски денеска на прес конференција од пред зградата на Владата соопшти нови детали околу доделувањето на поддршка за земјоделците :

“ℹВрз основа на бројни анализи, и средби со земјоделците изготвивме „Национален план за производство на храна“ преку кој обезбедуваме дополнителни мерки за имаме одржливо и зголемено производство.

➡️ Се зголемува поддршката за набавка на вештачки ѓубрива за пченица на 4.000 денари по хектар.
➡️Сите земјоделци коишто ќе остварат минимум 4.000 килограми приноси по хектар пченица, ќе добијат дополнителна субвенција од 5.760 денари по хектар.

Ја следиме состојбата со производството на пченица, и преку зголемена финансиска поддршка ги мотивираме земјоделците,со што придонесуваме кон зголемување на домашното производство.

#МЗШВ #работа #ефикасност #резултати“

-соопшти Министерот Николовски преку социјалните мрежи.

Повик за апликанти за организирање на локални манифестации и саеми за промоција на земјоделски производи

By Главен и Одговорен Уредник 3 години ago

Ј А В Е Н   П О В И К

ЗА КОРИСТЕЊЕ НА ТЕХНИЧКА ПОДДРШКА ЗА ОРГАНИЗИРАЊЕ И СПРОВЕДУВАЊЕ НА  ЛОКАЛНИ МАНИФЕСТАЦИИ/САЕМИ  ЗА ПРОМОЦИЈА НА ЗЕМЈОДЕЛСКИ ПРОИЗВОДИ ВО РС МАКЕДОНИЈА

I. Предмет на јавниот повик             

Доставување на предлог за користење на техничка поддршка за организирање и спроведување на локални манифестации/саеми за промоција на земјоделски производи во РС Македонија (во понатамошниот текст: предлог за користење).

II.Право на учество во постапката          

Субјекти кои може да учествуваат во постапката за доделување на средства од техничката поддршка по јавниот повик се: единиците на локалната самоуправа, здруженија од областа на земјоделството и руралниот развој регистрирани согласно Законот за здруженија и фондации, стопанските комори основани согласно закон, задруги регистрирани согласно Закон за задруги или земјоделски задруги регистрирани согласно Законот за земјоделски задруги и/или за трговија со земјоделски производи, кои доставуваат предлог за користење на техничката поддршка до Министерството.

III. Содржина на предлогот и потребна документација  

Предлогот за користење на техничка поддршка особено содржи:

  1. Податоци за предлагачот;
  2. Назив и резиме на предлогот;
  3. Опис на предлогот (опис на постоечки состојби,  поставени цели, целни групи, активности кои ги опфаќа предлогот и очекувани резултати);
  4. План на активности со временска рамка за реализација на предлогот по активности и методологија за нивна реализација;
  5. Финансиски план на трошоците со детална спецификација на трошоци, временска рамка за нивно настанување и извори на финансирање, како и банкарска сметка на која треба да се исплати поддршката и одговорно лице за настанот;
  6. Изјава дека прифатливите трошоци за реализација на активноста не се финансирани од друга институција;
  7. Доказ за пријавени најмалку 20 учесници/изложувачи на локалната манифестација/саемот.

Кон предлогот за користење на техничка поддршка се приложуваат и следните документи:

  1. Тековна состојба од Централен регистар на РС Македонија;
  2. Препораки или други докази за претходна имплементација на други сродни предлози;
  3. Доказ од Централен регистар на РС Македонија дека не е поведена стечајна и ликвидациона постапка;
  4. Доказ од Управа за јавни приходи за платени даноци и други јавни давачки и
  5. За здруженија и стопански комори: годишна програма за работа со вклучени активности од предлогот за користење, усвоена согласно Статутот.

IV. Доставување на предлогот за користење на техничка поддршка

Предлогот се доставува во еден оригинален примерок потпишан од овластено лице на предложувачот. Еден предложувач може да учествува во постапката за користење на техничка поддршка за организирање и спроведување на  локални манифестации/саеми за промоција на земјоделски производи во РС Македонија  само со еден предлог за користење.

Предлозите може да се поднесуваат од денот на објавувањето на јавниот повик на веб страната на Министерство за земјоделство, шумарство и водостопанство со краен рок за поднесување до ( 22.04.2022 година).

Предлозите се доставуваат до архивата на Министерство за земјоделство, шумарство и водостопанство, ул. „Аминта III“ број 2, 1000 Скопје, со назнака  Сектор за рурален развој.

V. Прифатливи трошоци

Техничка поддршка за организирање и спроведување на манифестации и саеми се доделува за :

–       Трошоци за закуп на простор (физички или виртуелен) за изложување на земјоделски производи (примарни и преработени );

–       Трошоци за изнајмување на штандови и/или бина, уредување и опремување на изложбениот дел (аудио и видео опрема ) и/или

–       Трошоци за промотивен материјал (покани, постери, летоци, банери, брошури, публикации, каталог, зборник, видео или аудио реклама, како и закуп на медиумски простор за промоција) за манифестацијата/саемот и

–       Трошоци за изложбен производ – примарни и преработени наменети за манифестации и саеми за промоција на земјоделски производи во РС Македонија.

VI. Постапка за избор на корисници и прифатливи предлози

Постапката за избор на корисници по јавниот повик ја спроведува комисија формирана од страна на министерот за земјоделство, шумарство и водостопанство. Изборот на предлозите ќе се изврши врз основа на евалуација на исполнување на следните критериуми со бодови:

 КритериумБод
1Реални и применливи резултати со брзи ефекти насочени кон остварување на дефинираните стратешки цели за развој на земјоделството30
2Одржливост по реализација на поддршката25
3Директно и индиректно влијание на поголем број субјекти во областа на земјоделството15
4Сопствено или учество од други извори на финансирање15
5Здружување на корисниците на поддршка, јавно-приватно партнерство или други форми на  партнерство со поголем број на корисници10
6Претходно искуство во реализација на активностите од значење за целната група на крајни корисници на поддршка5

Прифатливи предлози се предлозите кои по изборот од страна на комисијата ќе освојат повеќе од 50 бода.

VII. Начин на доделување  и висина на исплата на техничка поддршка

Максималниот износ на техничката поддршка не може да надмине 120.000 денари по манифестација/саем  по корисник.

Техничката поддршка и висината на одобрената сума ќе биде утврдена врз основа на  склучен договор од страна на министерот и избраниот корисник.

Активноста се реализира по склучен договор од страна на министерот и избраниот корисник.

Исплатата на техничката поддршка се врши по потпишување на договорот во износ од 100% од одобрената сума,  но не повеќе од максималниот износ и во согласност со одобрените средства во програмата за финансиска поддршка на земјоделството и руралниот развој, а се до исцрпување на средства предвидени во дел II став (2)  точка 1 потточка 1.1 од Програма за финансиска поддршка на руралниот развој за 2022 („Службен весник на РС Македонија“ 64/22 ).

Корисникот на средствата се обврзува за искористените средства да достави извештај за реализираната активност пропратен со финансиска документација до Министерството за земјоделство, шумарство и водостопанство (во понатамошниот текст: Министерството) во рок од 10 дена по завршување на активноста.

VIII. Прилози на јавниот повик

За подготовка на предлогот за користење, Министерството на веб страната info@mzsv.gov.mk објавува детално Упатство за изработка на предлогот за користење на техничка поддршка за организирање и спроведување на  локални манифестации/саеми за промоција на земјоделски производи во РС Македонија.

Организаторот на  манифестацијата/саемот е должен покрај логото на нивната институција да биде истакнато и логото на Министерството за земјоделство шумарство и водостопанство.

Дополнителни информации може да се добијат во Министерството за земјоделство шумарство и водостопанство на телефон 02/ 3134477 локал 204 или на веб страната на Министерството за земјоделство, шумарство и водостопанство  www.mzsv.gov.mk

Документи за превземање

Упатство за изработка на предлогот за користење на техничка поддршка за организирање и спроведување на локални манифестации/саеми за промоција на земјоделски производи во РС Македонија

Извор: МЗШВ

ЈАВЕН КОНКУРС за доделување на дозволи за давање на јавни услуги од областа на здравјето на растенијата

By Главен и Одговорен Уредник 3 години ago

I. ОПШТИ ОДРЕДБИ

Растенијата како добрa од општ интерес имаат посебна заштита утврдена со Законот за здравјето на растенијата („Службен весник на Република  Македонија“ бр. 29/05, 81/08, 20/09, 57/10, 17/11, 148/11, 69/13, 43/14,  158/14, 149/15, 39/16, 83/18 и „Службен весник на Република Северна Македонија“ бр. 150/21).

Нарачател на јавниот конкурс е Министерството за земјоделство, шумарство и водостопанство – Фитосанитарна управа.

Право на учество на јавниот конкурс имаат сите правни и физички лица кои ги исполнуваат општите услови од член 60 од Законот за здравјето на растенијата и посебните услови утврдени со Правилникот за поблиските услови за просториите и опремата за давање на јавни услуги од областа на здравјето на растенијата („Службен весник на РМ“ бр.12/2011 и 60/2015).

Јавниот конкурс за доделување на дозволи за давање на услуги од областа на здравјето на растенијата трае 8 (осум) работни дена од денот на неговото објавување.

II. ПРЕДМЕТ НА ЈАВНИОТ КОНКУРС

Предмет на јавниот конкурс е издавање на дозволи за давање на услуги од областа на здравјето на растенијата.

III. ВИД НА ЈАВНА УСЛУГА ЗА КОЈА СЕ ИЗДАВА ДОЗВОЛА

Министерство за земјоделство, шумарство и водостопанство – Фитосанитарна управа издава дозволи за вршење на јавни услуги од областа на здравјето на растенијата и тоа за следните видови на услуги:

1.1  мониторинг и следење на развојот на штетните организми кои вообичаено се присутни кај растенијата и растителните производи, прогнозирање, одредување оптимални рокови и мерки за заштита;

1.2  интервенирање во случај на ненадејни појави на карантински штетни организми на растенијата, каламитетни појави и епифитоции на штетни оргазними;

1.3 обезбедување метеоролошки, биолошки и други податоци за целта на следењето и прогнозирањето на појавата на штетни организми;

1.4 лабораториски детерминирања и дијагностицирања на штетни организми

1.5  едуцирање на сопствениците и други лица вклучени во спроведување на активностите поврзани со здравјето на растенијата;

1.6 издавање на пасоши за растенија;

1.7  спроведување на научно – истражувачки развојни активности;

1.8  вршење дезинсекција, дезинфекција и дератизација заради здравјето на растенијата;

1.9  вршење на други технички работи;

IV. УСЛОВИ ЗА ИЗДАВАЊЕ НА ДОЗВОЛА

Даватели на јавни услуги можат да бидат правни ифизички лица кои ги исполнуваат општите услови од член 60 од Закон за здравјето на растенијата („Службен весник на Република  Македонија“ бр. 29/05, 81/08, 20/09, 57/10, 17/11, 148/11, 69/13, 43/14,  158/14, 149/15, 39/16, 83/18 и „Службен весник на Република Северна Македонија“ бр. 150/21) и посебните услови утврдени со Правилникот за поблиските услови во однос на просториите и опремата за давање на јавни услуги од областа на здравјето на растенијата („Службен весник на РМ“ бр.12/2011 и 60/2015).

 V. РОК И НАЧИН НА ДОСТАВУВАЊЕ НА ПРИЈАВИ

Рок за поднесување на понудите е 8 (осум) работни денови од денот на неговото објавување.

Пријавите се доставуваат до Министерство за земјоделство, шумарство и водостопанство – Фитосанитарна управа, адреса: ул. Аминта Трети бр.2,  Скопје 1000.

VI. ЗАДОЛЖИТЕЛНИ ПОДАТОЦИ НА ПРИЈАВАТА И ПОТРЕБНАТА ДОКУМЕНТАЦИЈА

Заинтересираните субјекти образецот на пријавата за учество во постапката можат да го превземат од web страната на Министерство за земјоделство, шумарство и водостопанство: www.mzsv.gov.mk. 

Потребна пропратна документација која се доставува кон пријавата:

1.             ПРАВНИ ЛИЦА

–              Документ за регистрирана дејност издаден од Централен регистар на Република Северна Македонија – ДРД образец (не постар од 6 месеци) ;

–              М1/М2 образец за вработениот стручен кадар;

–              Уверение за завршено високо образование од областа на земјоделските науки (растително производство) или од областа на шумарските науки;

–              Доказ за најмалку 3 (три) години работно искуство во напред наведените области во струката;

– Докази за исполнување на поблиските услови предвидени во Правилникот за поблиските услови во однос на просториите и опремата за давање на јавни услуги од областа на здравјето на растенијата („Службен весник на РМ“ бр.12/2011 и 60/2015);

–  Ценовник по кои давателите на услугите би ги извршувале јавните услуги за кои поднесуваат пријави од точка 1.1 до точка 1.9 од делот III од овој конкурс;

2.            ФИЗИЧКИ ЛИЦА

– Уверение за завршено високо образование од областа на земјоделските науки (растително производство) или од областа на шумарските науки;

– Доказ за најмалку 3 (три) години работно искуство во напред наведените области во струката;

– Докази за исполнување на поблиските услови предвидени во Правилникот за поблиските услови во однос на просториите и опремата за давање на јавни услуги од областа на здравјето на растенијата („Службен весник на РМ“ бр.12/2011);

– Ценовник по кои давателите на услугите би ги извршувале јавните услуги наведени од точка 1.1 до точка 1.9 од  делот III од  овој конкурс;

Документите кои се доставуваат потребно е да бидат оригинал или копии заверени на Нотар.

VII. КРИТЕРИУМИ ЗА ИЗБОР

Критериум за избор за издавање на дозвола за вршење на јавна услуга е исполнување на условите утврдени во Закон за здравјето на растенијата („Службен весник на Република  Македонија“ бр. 29/05, 81/08, 20/09, 57/10, 17/11, 148/11, 69/13, 43/14,  158/14, 149/15, 39/16, 83/18 и „Службен весник на Република Северна Македонија“ бр. 150/21) и посебните услови утврдени со Правилникот за поблиските услови во однос на просториите и опремата за давање на јавни услуги од областа на здравјето на растенијата („Службен весник на РМ“ бр.12/2011 и 60/2015) и тоа:

–          пријавениот стручен кадар да има завршено минимум високо образование од областа на земјоделските науки (растително производство) или од областа на шумарските науки;

–          да има минимум три години работно искуство во струката и

–          да бидат исполнети поблиските критериуми утврдени Правилникот за поблиските услови во однос на просториите и опремата за давање на јавни услуги од областа на здравјето на растенијата („Службен весник на РМ“ бр.12/2011 и 60/2015).

VIII. ПОСТАПКА

Постапката на отворање и оценување на понудите ја врши Комисија назначена од министерот за земјоделство, шумарство и водостопанство.

Отварањето, разгледувањето и оценувањето на пријавте е јавно.

Овластени претставници на субјектите може да бидат приустни на отварањето на пријавите.

Нецелосните понуди може да бидат комплетирани во рок од 8 (осум) дена од приемот на известувањето за некомплетна документација, во спротивно понудата нема да биде разгледувана, за што понудувачите ќе бидат известени.

Дозволата за давање на јавни услуги се издава во форма на решение во рок од 30 (триесет) дена од денот на завршувањето на јавниот конкурс.

Правните и физички лица кои добиле дозвола за вршење на јавни услуги од областа на здравјето на растенијата склучуваат договор со Министерство за земјоделство, шумарство и водостопанство – Фитосанитарна управа.

 IX. ПОЧЕТОК И ВРЕМЕТРАЕЊЕ НА ДОЗВОЛАТА

Времетраењето на издадените дозволи за вршење на јавни услуги изнесува 3 (три) години сметано од датумот на издадената дозвола.

X. КОНТАКТ ЛИЦЕ ЗА ОБЕЗБЕДУВАЊЕ НА ДОПОЛНИТЕЛНИ ПОДАТОЦИ

Контакт лица за обезбедување на дополнителни податоци и информации во врска со постапката за доделување на дозволи за вршење на јавни услуги се:

Надица Џерковска, е-маил адреса: nadica.dzerkovska@mzsv.gov.mk

Ивица Ангеловски, е-маил адреса: ivica.angelovski@mzsv.gov.mk

XI. ДАТА, МЕСТО И ВРЕМЕ НА ОТВАРАЊЕ НА ПРИЈАВИТЕ

Пријавите ќе бидат отворени со почеток во 11:00 часот, првиот нареден работен ден по завршувањето на огласот во просториите на Фитосанитарната управа на ул. Аминта Трети бр. 2,  Скопје 1000.

Документи за превземање

Извор: МЗШВ

МЗШВ: Нов јавен повик за доставување понуди за давање под закуп на државно земјоделско земјиште до 3 хектари за долгогодишни насади

By Главен и Одговорен Уредник 3 години ago

Владата на денешната седница донесе одлука за објавување на Јавен повик за доставување на понуди за давање во закуп на земјоделско земјиште во државна сопственост до 3 хектари во девет региони. Со овој јавен повик им се овозможува на земјоделците што имаат земјиште со долгодишни насади, а за кoe немаат склучено договор за закуп, да достават понуди до Министерството за земјоделство, шумарство и водостопанство со податоците за земјиштето. 

На овој начин, со склучување на договорите со МЗШВ, се решава правниот статус на земјиштето со што земјоделците ќе имаат право да конкурираат за мерките од Програмите за финансиска поддршка во земјоделството и руралниот развој.  

Јавниот повик е наменет за Кавадарци, Росоман, Неготино, Ресен, Струга, Струмица, Тетово, Валандово и Гевгелија.

Намената и времетраењето на закупот за кое се издава земјоделското земјиште во државна сопственост е за:

– одгледување на долгогодишни насади (лозја, овоштарници, хмељ) за период до 30 години,

– одгледување на долгогодишни насади со лешник за период до 70 години,

– одгледување на маслинарници за период до 50 години

Јавниот повик ќе биде објавен до крајот на неделата.  

Извор: МЗШВ

Најава за исплата на 4,5 милиони евра за штети од елементарни непогоди за 2016, 2017, 2018 и 2021 година

By Главен и Одговорен Уредник 3 години ago

Министерот за земјоделие, шумарство и водостопанство Љупчо Николовски по одржувањето на денешните владини седници на кои беа дискутирани мериките за помош на граѓаните во тековната општа криза во државата.

Тој најави исплата на 4,5 милиони евра од Буџетот на владата за штетите од елементарните непогоди што ги претрпеа земјоделците во минатите неколку години.

Според Министерот Николовски станува збор за 10200 физички и правни лица

“ℹ 4.5 милиони евра ќе се исплатат за штети од елементарни непогоди што ги претрпеа земјоделците во 2016, 2017, 2018, и 2021 година. На околу 10.200 граѓани и правни субјекти ќе им биде направена исплата за штетите од временските непогоди.

#МЗШВ веќе работи и на воспоставување на “Земјоделски осигурен пул” како нов модел на земјоделско осигурување, кој ќе го забрза процесот на обештетување на земјоделците.Излегуваме во пресрет и помагаме секогаш кога е најпотребно. Земјоделците никогаш нема да бидат оставени сами во состојби кога поради временски непогоди претрпуваат штети врз производството.”

-соопшти Љупчо Николовски преку социјалните мрежи.