Уредник

Owner, Manager, web developer, graphic designer, CPanel & WHM specialist content editor & author at Anastasov Limited DOOEL Grad Delchevo

Постои можност птичјиот грип да се прошири на територија на цела држава. Потребна е брза и ефикасна епидемиолошка истрага

Интегрален текст на прес конференцијата на Цветан Трипуновски од ВМРО-ДПМНЕ:

Поради неажурноста и неспособноста на власта, постојано сме на удар на разни зарази во сточарството во Македонија. Слабиот менаџмент и неспособноста на раководните лица во МЗШВ и АХВ придонесоа до појава на птичји грип во земјата.Постои огромна опасност вирусот да се прошири, но и можност тој веќе да е проширен на цела територија на државата, со што ќе нанесе сериозен удар врз живинарството како една од сточарските гранки.Повикуваме АХВ наместо да куца бледи соопштенија и да се правда, да спроведе добра, брза и ефикасна епидемиолошка истрага на лице место за утврдување на вратата на инфекција, и брзо носење на рестриктивни мерки од страна на Агенцијата и нивна имплементација на терен, со цел ограничување на ширењето на вирусот, односно заштита на големите живинарски капацитети ширум државата.

Доделени договорите за финансиска поддршка за мерка 7 од ИПАРД 2 програмата

Денеска во просториите на Министерството за земјоделство, шумарство и водостопанство беа доделени договорите за финансиска поддршка за мерка 7 од ИПАРД 2 програмата.

Во рамки на минатогодишниот повик аплицираа повеќе земјоделски стопанства низ целата држава а по проверката на потребната документација беа доделени договори од Агернцијата за поддршка на земјоделието и руралниот развој според кои ќе се врши имплементацијата и исплатата на финансиските сретства на економските оператори.

Станува збор за реализација на инвестиции во повеќе подграни од областа на земјоделието и руралниот развој во вредност од на 20 милиони евра.

“Нови хотели, ресторанти, индустриски објекти, дестилерии и опрема за производство на пчелни производи.

Ова се дел од инвестициите за кои денеска доделивме договори за финансиска поддршка од Мерка 7️⃣ од ИПАРД 2 програмата.

Инвестициите се предвидени во сите региони низ 🇲🇰, што оди во прилог на заложбите за регионален рамномерен развој.

Со потпишувањето на договорите со сите соодветни апликанти се очекува да започнат со реализација инвестиции со вредност која надминува 2️⃣0️⃣ милиони евра. Сериозниот пристап во управувањето со европскиот фонд за земјоделство и рурален развој е препознаен од нашите 🇪🇺 партнери, но најважно е што бенефитите и придобивките веќе се видливи помеѓу нашите граѓани како крајни корисници на средствата.

Модернизацијата на земјоделството и развојот на микро и малите претпријатија од руралните средини останува во фокусот на ИПАРД. ✅

Честитки за добитниците и посакувам успешна реализација на инвестициите.”

-соопшти Никица Бачовски- Директор на АФПЗРР по повод денешното доделување на договорите.

Се спрема овчарска буна: Овчарите ќе го кренат својот овчарски стап на протести против намалувањето на субвенциите

Натежна овчарскиот стап до мера на неподносливост! Во услови на неколкукратно зголемување на цените на репроматеријалите и храната за добитокот, поскапување на трошоците за живот за сите граѓани, владата ги крати субвенциите за овчарите!

По тој повод одгледувачите на овци најавуваат масовни протести за во петок 25.02.2022 година доколку субвенциите за обележано грло овци не бидат вратени на 1300 денари по обележано грло. Во овогодинешната програма за поддршка на земјоделието објавена од страна на Агенцијата за поддршка на земјоделието и руралниот развој и најавена од страна на ресорниот министер Љупчо Николовски извршено е кратење на субвенциите во споредба со минатото. Поддршката која до минатата година ја добиваа овчарите од 1300 денари за обележано грло овци сега со програмата за директни плаќања во земјоделието е намалена на 1000 денари.

Од страна на повеќе одгледувачи на овци како и сточарски здруженија се вели дека ваквата одлука на владата ја прелила чашата на револтот.

-“Наместо да добиваат зголемување на субвенциите поради поскапувањето на егзистенцијалните трошоци во нивната стопанска гранка, овчарите добија намалување на нивните субвенции.

Ваквиот однос на надлежните во министерството е крајно разочарувачки и на штета на целокупниот сточен фонд во државата.”

-се вели во дел од реакциите на сточарите/земјоделците на социјалните мрежи.

Извор: Брегалнички портал

Се појави птичји грип во Македонија. Надлежните молчат!

⚠️Се појави птичји грип во Македонија❗️

Власта молчи наместо да ја информира јавноста и да преземе итни мерки❗️

Иако една од првите работни посети на Љупчо Николовски се случи во Агенцијата за храна и ветеринарство, каде намерата беше да се покаже институционалниот капацитет на ресорот, сите нивни медиумски напори паднаа во вода.Р. Македонија за многу кратко време се соочува со уште една опака заразна болест, Птичји грип кај живината. Болеста е лабораториски потврдена во с. Злокуќани, Општина Карпош, но надлежните во Агенцијата за храна и ветеринарство се однесуваат како да се на колективен годишен одмор. Јавноста не е информирана, НЦКБ (националниот центар за контрола на болеста) не може да се собере, а уште помалку да донесе сет на мерки, живинарските производни капацитети не се запознаени, а со тоа и не се ставени во состојба на зголемена претпазливост.Што треба да се случи во државата за да најповиканите понесат одговорност. Живинарството е под закана на големи загуби. Агонијата во сточарското производство продолжува. Р. Македонија час поскоро мора да се ослободи од штетните политики со кои СДСМ 5 години по ред носат безидејност и ниска продуктивност во македонскиот аграр.

-фејсбук статус на Цветан Трипуновски од ВМРО-ДПМНЕ

Намалена поддршката за сортни Шарпланинци/Карамани во годинешната програма за Директни плаќања

Во Програмата за финансиска поддршка на земјоделството за 2022 година во делот на Директни плаќања оваа година поддршката на Министерството за шумарство и водостопанство за одгледување на стопанско корисно куче Шарпланинец и овчарско куче Караман изнесува 2000 денари.

Со тоа за тековната 2022 година извршено е намалување на износот на субвенции за цели 1000 денари по оваа мерка од 3000 денари по грло шарпланинец/караман колку што се доделуваа до минатата година на 2000 денари во годинешната програма за 2022 година.

Ваквото намалување на поддршката од 3000 денари на 2000 денари која што и онака беше симболична за одгледување на сортен шарпланинец т.е. караман сигурно ќе се одрази негативно на и онака малиот фонд на шарпланинци/карамани во државата.

Шарпланинецот е автохтона сорта на куче кој се одликува со многу благородни карактеристики и е значаен за нашата држава на ниво на идентитетска препознатливост. Шарпланинецот е носител на грбот на монетарната единица и е вгравиран на монетата со номинална вредност од 1 денар.

Корисници на оваа подмерка се земјоделски стопанства кои одгледуваат овци и кози, кои поседуваат најмалку 50 грла овци и/или кози евидентирани во Регистарот на овци и кози, и се сопственици на педигрирани кучиња од расата Шарпланинец и Караман на кои е извршена идентификација со микрочип на денот на поднесување на барањето,

Максимален број е седум пријавени кучиња по земјоделско стопанство.

За лозарите и винарниците нема веќе неизвесност обезбедуваме финансиска поддршка за производство и откуп на грозје тврдат властите

Директорот на Агенцијата за финансиска поддршка во земјоделство и руралниот развој, Никица Бачовски заедно со премиерот Димитар Ковачевски, и министерот за земјоделство Љупчо Николовски денеска во Тиквешијата заедно со земјоделците закроија дел од лозовите насади во тиквешкиот регион. Премиерот Ковачевски, рече дека грижата за земјоделците и конкретно за лозарите е постојана – затоа резултатите се видливи и претставуваат дополнителна мотивација. И покрај економската криза, во текот на 2021 година регистрирано е зголемено откупување на грозје кај регистрираните откупувачи, а исто така зголемен е и извозот на вино од нашата земја којашто достигна ниво од 49 милиони евра во минатата година“, рече Ковачевски при закројувањето на лозјето во село Трстеник.

Премиерот, истакна дека Владината долгорочна стратегија за обезбедување сигурно производство и откуп на грозјето ја надмина долгогодишната неизвесност на лозарите и обезбеди поволен амбиент за стопанисување и за лозарите и за винариите.

Честитајќи го денешниот празник на лозарите и посакувајќи успешна година и за лозарите и винарите, Ковачевски посочи дека Владата, со динамично темпо ги исполнува ветувањата кон земјоделците и лозарите за што има видливи резултати.
Лозарите уште на почетокот на новата лозарска година, исто како и лани ги добија субвенциите за поддршка, и го стартуваат новиот циклус со средства кои ќе им помогнат успешно да ја затворат годината. Тој додаде дека во оваа насока од голема помош е и зголемувањето на поддршката со цел анулирање на зголемените трошоци за нафта, како и мерките од ИПАРД Програмата, кои обезбедуваат инвестиции за изградба на винарници, набавка на опрема и други потребни средства за модернизирање и развој на оваа гранка.
„Во таа насока е и поддршката за микро винарниците. Сега, тие имаат можност да аплицираат за грантови во висина од 10.000 евра за опрема и консултантски услуги на енолози, за поефикасно работење и пласман на поквалитетни производи“, истакна Ковачевски, кој ја посети винарницата „Гоце Делчев“, а потоа ќе ги посети и Кавадарци и Демир Капијa.

Министерот за земјоделство, шумарство и водостопанство Љупчо Николовски, потенцираше дека во однос на субвенциите исплатени се над 9,4 милиони евра субвенции за лозови насади на 13.854 лозари, а од 2017 година, за поддршка на лозарите за мерката за исплата по површина се исплатени околу 45 милиони евра.
„Секогаш кога имаше потреба, кога лозарите се соочува со проблеми, помагавме со дополнителни мерки, исто како што помогнавме и во здравствено-економската криза предизвикана од КОВИД пандемијата. Вкупно за 4 години за дополнителни мерки и преку КОВИД – програмата за поддршка на лозарите исплативме над 16 милиони евра“, подвлече Николовски кој оцени дека со Владината поддршка се реши еден долгогодишен проблем на лозарите враќајќи ги парите кај лозарите што им ги должеа дел од винарниците, за да можат повторно да инвестираат во лозовите насади.

На денешниот настан, беа упатени пораки до лозарите дека Владата останува партнер на лозарите и винарите и продолжува со мерките и стимулациите за производство на квалитетно вино на пазарот, за што поголема промоција на квалитетното вино од нашата земја и зголемување на извозот.

Извор: АФПЗРР

Пред Св. Трифун исплатени над 575 милиони денари субвенции за лозарите

Во петокот Агенцијата за финансиска поддршка во земјоделството и руралниот развој на сметките на 13.854 субјекти исплати над 575 милиони денари. Станува збор за исплата на апликантите кои правно законски ги исполниле условите за добивање на финансиска поддршка по мерката „директни плаќања по обработлива земјоделска површина за оддржување на постоечки лозови насади“.

Директорот на АФПЗРР, Никица Бачовски информира дека средствата кон лозарите се исплаќаат пред празникот „Свети Трифун“ кога и официјално почнуваат теренските активности и подготовката за производство на новата реколта на домашно произведено грозје и вино.

„ Како и сите години претходно така и оваа, средствата за лозарите ги исплаќаме во време кога лозарите имаат најмногу активности за подготовка на насадите за новата реколта. На тој начин, правиме се за да ги ублажиме трошоците што лозарите ги имаат за да произведат квалитетно трпезно грозје, како и суровина за производство на квалитетно вино или ракија. Преку креирање на мерки и програми Агенцијата, Владата и МЗШВ ќе продолжат да создаваат поволни услови за раст и развој на секторот земјоделство.“ – истакна Бачовски.

Агенцијата како и досега ќе продолжи со праксата на неселективна исплата на субвенции за сите кои правно – законски ги исполниле условите за добивање на финансиска поддршка.

Анима Мунди против традицијата на овчарско семејство од Пехчево. Кој е во право?

На социјалните мрежи се одвива вистинска вербална војна во врска со случајот кој што во јавноста го започна здружението за заштита на животните Анима Мунди од Скопје против учесниците во приватен домашен настан на традиционална прослава по успешно поминатата година на сточарско семејство кое што на видео запис прикажува врзано јагне околу кое се случува оваа домашна приватна прослава.

“Инспекторите на Агенцијата за храна и ветерина ЗА ПРВ ПАТ АЖУРНИ НО во прекршување на законот што треба да го споведуваат!ПРИМИТИВЦИ – единствениот епитет што може да им се даде на овие лица што намерно се изживуваат врз животно, практично бебе.
Со заврзани нозе, маневрираат со него како со предмет а не живо битие што трпи болка и страв, му нанесуваат непотребен стрес група на мажи меѓу кои седи ИНСПЕКТОР ЗА ЗАШТИТА НА БЛАГОСОСТОЈБАТА НА ЖИВОТНИТЕ ВО ПЕ БЕРОВО ОД АГЕНЦИЈАТА ЗА ХРАНА И ВЕТЕРИНА.Видно задоволен го гледа и снима престрашеното животно во очи, сведок и соучесник во ова изживување е оној кој треба да го заштити но го измачува!Во кое нормално општество вакви ликови се вработуваат во државни институции и ги прекршуваат законите што треба да ги спроведуваат?Во кое нормално општество инспектор за заштита на животните е соучесник во нивно малтретирање, причинување непотребен стрес, страдање?БАРАМЕ ИТНО ДА СЕ ПОКРЕНЕ ДИСЦИПЛИНСКА ПОСТАПКА ОД СТРАНА НА АГЕНЦИЈАТА ЗА ХРАНА И ВЕТЕРИНАРСТВО ПРОТИВ ИНСПЕКТОРОТ ОД ПЕ БЕРОВО И ТРАЈНО ДА СЕ ОТСТРАНИ ОД ВРШЕЊЕ НА СЛУЖБЕНА ДОЛЖНОСТ ВО ИНСТИТУЦИЈАТА.ДОПОЛНИТЕЛНО, БАРАМЕ АГЕНЦИЈАТА ДА ПОКРЕНЕ ПОСТАПКА ПРОТИВ СИТЕ ОВИЕ ЛИЦА ШТО СЕ СОУЧЕСНИЦИ ВО ОВОЈ МОНСТРУОЗЕН ЧИН!
Нашето здружение ке поднесе пријави до сите надлежни институции против наведениот инспектор зашто е неспособен, неадекватен и очигледно психички нестабилен за да биде државен службеник а уште помалку некој што треба да заштити животно во невоља судејќи по видеото во прилог.

-стои во реакцијата на Анима Мунди покрај од нивна страна споделеното видео.

На оваа реакција во јавноста преку социјалните мрежи упати сточарот Александар Мачевски во чиј што дом се случува традиционалниот настан со чија симболика веруваат дека ќе им донесе повеќе успех во нивната работа за наредната година. Мачевски вели дека јагнето не било малтретирано ниту мачено и дека по традиционалниот обичај било вратено кај неговата мајка.

ДЕМАНТ:
Во врска со вашиот натпис за Инспектор што малтретира јагне. Ве известувам дека снимката е лична и приватна направена во мојот дом како традиција што ја правиме секоја година кога ги продаваме јагнињата. Се свири песната,, Изгубеното јагне ” и се донесува јагне како адет и традиција и мора да биде врзано. Ако може да забележите јагнето не е малтретирано, маче но и заколено и после песната е пуштено кај неговата мајка затоа што се верува дека на тој начин ќе има повеќе јагниња следната година. Со вашиот натпис ми го нарушување угледот на мене лично и на моите гости. Доколку не се повлече и избрише натписот приморан сум да преземам правни дејствија.
PORAKA DO Anima Mundi – здружение за заштита на животни Eve kako naseto semejstvo makotrpno zarabotuva edna korka leb a socijalnite mrezi go OCRNIJA NASETO SEMEJSTVO koe odgleduva 20 god sekakov vid na zivotni

-стои во реакцијата на фармерот Мачевски.

Ваквиот случај доби и политичка димензија откако во јавноста со свои реакции се обрати и Министерот за земјоделие шумарство и водостопанство Љупчо Николовски:

Згрозен од монструозниот чин на Инспекторот за благосостојба на животните во подрачната единица Берово, на Агенцијата за храна и ветеринарство, најавувам итно постапување, и преземање на сите дисциплински мерки од страна на #АХВ.Предизвикување стрес, малтретирање, и непотребно страдање на невини животни е за секаква осуда.

-соопшти Министерот Николовски преку социјалните мрежи.

Јавноста во Македонија на кои овој случај им е од интерес е крајно поделена. За едни станува збор за традиција во која што веруваат сточарите кои што секојдневно се занимаваат со оваа тешка стопанска дејност, а на другата страна се луѓето кои што веруваат дека се загрозени правата на ова јагне прикажано на видеото и дека одговорните треба да сносат одговорност за овој чин.

Извор: Брегалнички Портал

Дали најавата за продолжување на ловната сезона нема да предизвика штета на ловниот фонд во државата?

Министерот за земјоделство шумарство и водостопанство Љупчо Николвски преку социјалните мрежи најави дека ловната сезона се продолжува до 31 март и тоа во дозволените региони каде што нема присутност на свинска чума.

Преку социјалните мрежи поединци реагираат дека токму тој период е кога дивите свињи се во фаза на репродукција и раѓање на млади и доколку се продолжи со ловната сезона драстично ќе угине популацијата на диви свињи во државата.

Ловот на дива свиња во Македонија почнува да станува профитабилна дејност со оглед на се пораспространетите ловни површини кои што ги закупуваат приватни субјекти и остваруваат приходи по различен основ од ловот не само на дивата свиња.

‼️Периодот за ловење на дивата свиња се продолжува до 31.03.2022 година под посебни услови, и во дозволените региони. Оваа одлука е согласно мерките преземени од страна на Владата и Агенцијата за храна и ветеринарство, а со цел спречување и ширење на африканска чума кај свињите која е присутна во две одгледувалишта во нашата држава.

Состојбата со оваа болест внимателно се следи од страна на #МЗШВ и #АХВ, се преземаат сите потребни мерки за навремено спречување и санирање на оваа зараза .”

-соопшти Љупчо Николовски- Министер во МЗШВ преку социјалните мрежи.

Ќе се преиспитува концесијата за користење на геотермални води во с. Истибања, виничко

Веќе подолги години помеѓу јавноста во Виница но и во поширокиот регион на реката Брегалница се афирмира прашањето за искористувањето на геотермалните води кои што постојат како природен ресурс во селото Истибања.

Несоодветниот третман на ова прашање со целосното негово должно внимание од страна на надлежните власти и целокупната јавност допринесе во минатите години многу мала искористеност на благодетот кој што го носи овој природен ресурс со себе, од здравствена и економска гледна точка.

Во моментот со овој природен ресурс стопанисува приватен правен субјект за потребите на оранжериско производство на градинарски култури, но вистинскиот и целосен потенцијал на природните геотермални води кои што се присутни на ова поднебје не е до крај искористен.

Моменталниот капацитет на извориштето на геотермални води кај селото Истибања е околу 50 литри во секунда со температура на водата од околу 79 степени целзиусови. Вака дефинираните основни техники параметри претставуваат солидна основа за развој на повеќе економски дејности за целосно да биде искористен потенцијалот на геотермалната вода.

Врз основа на укажаната потреба за што подобро искористување на геотермалните води во село Истибања, повеќе граѓани преку советниците во општинскиот совет во Виница поднесоа иницијатива за преиспитување на концесијата за искористување на геотермалните води од страна на постојниот економски субјект кој што стопанисува со овој природен ресурс.

“Советничката група на ВМРО ДПМНЕ и Коалцијата за Обнова на Македонија поднесе две инцијативи до Советот на општина Виница.

➡️ Првата е преиспитување на концесијата на минерална суровина-геотермални води на локалитетот “Истибања” во општина Виница.

➡️ И втората е за вонреден инспекциски надзор за експлоатацијата на песок во река Осојница.

Двете иницијативи, како што образложија советниците, се на барање на жителите на с.Истибања и с.Јакимово.

Јас, како градоначалник и општинската администрација ќе направиме се’ што е во наша надлежност овие иницијативи да добијат завршница, односно советниците и сите граѓани на општина Виница да добијат одговор на прашањата наведени во самите иницијативи подолу. 👇

-соопшти градоначалникот на општина Виница Миле Петков во врска со поднесените иницијативи во општинскиот совет.

Извор: Брегалнички Портал